आजः आइतवार, अशोज ४, २०७७

कुवेतबाट नेपाल एअरलाइन्स मार्फत काठमाण्डौ आउँदा पीसीआर परीक्षण अनिवार्य, होटल क्वरेण्टीनमा पनि बस्नुपर्ने


भदौ २३, २०७७
काठमाण्डौ – कुवेतबाट नेपाल एअरलाइन्समार्फत काठमाण्डौ आउँदा पीसीआर परीक्षण गरे पनि होटल क्वरेण्टीनमा बस्न पर्ने भएको छ ।

काठमाण्डौका लागि तय भएको आउँदो सेप्टेम्बर १४ को उडानमार्फत नेपाल फर्कने यात्रुले कोरोनाको पीसीआर परीक्षण गर्नुपर्ने तर नेपाल आएपछि पनि सात दिन होटल क्वरेण्टीनमा बस्नुपर्ने कुवेतमा रहेको नेपाली दूतावासले जनाएको छ ।

सरकारले पीसीआर नेगेटिभ रिपोर्ट लिएर आएका यात्रुहरु सिधै होम क्वरेण्टीनमा जान पाउने नियम बनाएको छ । तर नेपाल एअरलाइन्समार्फत कुवेतबाट फर्कनेले भने पीसीआर परीक्षण पनि गर्नुपर्ने र काठमाण्डौमा पनि होटल क्वरेण्टीनमा बस्नुपर्ने उल्लेख गरिएको छ ।

यस्तै, हिमालय एअरलाइन्सको सेप्टेम्बर १५ र २९ मा हुने उडानमार्फत स्वदेश फर्कने यात्रुले भने पीसीआर परीक्षण गर्नुपर्ने छैन । तर नेपालमा आएपछि होटल क्वरेण्टीनमा बस्नु पर्नेछ । यसपछि हुने उडानको बारेमा भने फेरि अर्को जानकारी गराउने दूतावासले जनाएको छ ।

कुवेतबाट जजिरा एअरवेजमार्फत नेपाल फर्कने यात्रुले भने ७२ घण्टाभित्रको पीसीआर जाँच नेगेटिभ भएको रिपोर्ट पेश गर्नुपर्ने र नेपाल आएपछि सिधै होम क्वरेण्टीनमा जान पाइने छ ।

होम क्वरेण्टीनमा १४ दिन अनिवार्य बस्नुपर्ने छ । कुवेत ( काठमाण्डौ जजिरा एअरले सेप्टेम्बर १३, १९ र २६ मा उडान भर्दैछ । नेपाल फर्कने यात्रुले साथमा सीसीएमसीको फारम भरेर त्यसलाई प्रिन्ट गरी साथमा राख्नु पर्नेछ । उज्यालो


ताजा समाचार