25 February 2020|   मङ्लबार, फाल्गुन १३, २०७६

मेमोरी किङ्ग अर्पण शर्माले दैलेखमा सेमिनार गर्ने

Online Karnali
प्रकाशित मितिः बुधबार, बैशाख २६, २०७५       |  

२६ बैशाख २०७५, दैलेख–

स्मरण शक्ति अभिवृद्धि सम्बन्धी २ दिने तालिम दैलेख सदरमुकाममा हुने भएको छ । गुरासँ कम्प्युटर इन्ष्टिच्युट दैलेखको आयोजना र च्यालेन्ज स्टेशनरी दैलेखकाे सहकार्यमा यही बैशाख २८ र २९ गते (शुक्रवार र शनिवार) तालिम हुने भएको हो । विद्यार्थी, शिक्षक, कर्मचारी, राजनीतिज्ञ, व्यापारीहरुलाई लक्षित गरी स्मरण शक्ति अभिवृद्धि तालिम सञ्चालन गर्न लागिएको आयोजक इन्ष्टिच्युटका म्यानेजिङ डाइरेक्टर हस्त रावलले जानकारी दिए ।

तालिममा प्रशिक्षण दिन संसारकै सबै भन्दा तेज स्मरण शक्ति भएका, गिनिज बुकमा नाम लेखाउन सफल अर्पण शर्मा (ममोरी किङ्ग) आउने आयोजकले जनाएको छ । स्मरण शक्तिलाई १० गुणा सम्म अभिवृद्धि गराउने, १० घण्टाको पढ्ने कुरा १ घण्टा मै पढेर जान्न सकिने, सजिलो वैज्ञानिक विधिहरु, भाषणलाई सिलसिलेवार सम्झेर प्रस्तुत गर्न सकिने विधिहरु, पढेका कुराहरु परीक्षामा सजिलै सम्झन सक्ने सजिलो विधिहरु, तिथि, मिति, मोबाइल नम्बरहरु याद गर्न सकिने वैज्ञानिक विधिहरु, शब्द, वाक्य,अनुच्छेद, परिभाषा सजिलै याद गर्न सकिने तरिकाहरु, कम्प्युटरमा जस्तै फोल्डर बनाएर पढेका कुराहरुलाई मष्तिस्कमा व्यवथापन गर्नसक्ने वैज्ञानिक विधिहरु, जापानी र कोरियन तथा अन्य भाषा पढ्ने विद्यार्थीहरुको लागि भाषा सम्झन, बुझ्न सक्ने सरल विधिहरु, गणित र विज्ञानका जटिल फर्मूलाहरु सजिलै यादगर्न सकिने वैज्ञानिक विधिहरुको वारेमा विस्तृत रुपमा फाइदा लिन सकिने आयोजकले जनाएको छ ।

Loading...

Have any Question or Comment?

Leave a Reply

Your email address will not be published. Required fields are marked *